نەنگەرهار.. کوژرانی ژمارەیەک سەربازی ئەمریکا و ئەفغانستان

واشنتۆن - AA

میدیاکان بڵاویانکردەوە کە لە ویلایەتی نەنگەرهار رۆژهەڵاتی ئەفغانستان، تەقە لە هێزەکانی ئەمریکا و ئەفغانستان کراوە و لە ئاکامدا ژمارەیەک سەربازی هەردوولا کوژراون.

ئاماژەیان بەوەیشکردووە کە لەمیانی ئۆپەراسیۆنێکدا لە ویلایەتی نەنگەرهار کە تا ئێستا بەردەوامە تەقە لە هێزەکانی ئەمریکا و ئەفغانستان کراوە.

میدیاکان ئەوەشیان بڵاوکردووەتەوە کە لەئاکامی تەقەکردنەکەدا، ژمارەیەک سەربازی ئەمریکا و ئەفغاستان کوژراون.

ئەوەشیان خستووەتەڕوو کە هێشتا ئەو لایەنە ئاشکرانەکراوە کە تەقەی لە هێزەکانی ئەمریکا و ئەفغانستان کردووە، بەڵام کاربەدەستانی هەردوولا لێکۆڵینەوەیان لەوبارەوە دەستپێکردووە.

بەپێی میدیاکان ئەو ناوچەیەی کە تەقە لە هێزەکانی ئەمریکا و ئەفغانستان کراوە، چەکدارانی داعش و بزووتنەوەی تاڵیبان تیایدا چالاکن.