لاریجانی پێشنیاری مۆدێلی ھەماھەنگی تورکیا، رووسیا و ئێران دەکات

ئەنقەرە - AA

سەرۆکی پەرلەمانی ئێران، عەلی لاریجانی رایگەیاند کە میکانیزمی ھەماھەنگی تورکیا، رووسیا و ئێران بەمەبەستی چارەسەرکردنی قەیرانەکانی ناوچەکە، دەکرێ وەک مۆدێلێک بۆ چارەسەرکردنی کێشەکانی سیاسی و ئابووری لە ئاسیا بەکاربھێنرێ.

سەرۆکی پەرلەمانی ئێران لەمیانی سەردانەکەی بۆ ئیستانبوڵ بەمەبەستی بەشداریکردن لە ١١یەمین ئەنجوومەنی پەرلەمانتارانی ئاسیا لە شاری ئیستانبوڵ وەڵامی پرسیارەکانی رۆژنامەنووسانی دایەوە.

لاریجانی رایگەیاند کە ئاسیا رووبەڕووی ئاستەنگی جددی بووەتەوە لە بواری ئاسایش و ئابووری، راشیگەیاند کە دەکرێ بە ئەنجامدانی ھەماھەنگی فرەلایەنە بەسەر ئەو ئاستەنگیانە زاڵ بن.

سەرۆکی پەرلەمانی ئێران، عەلی لاریجانی ئەوەشی خستەڕوو کە میکانیزمی ھەماھەنگی تورکیا، رووسیا و ئێران بەمەبەستی چارەسەرکردنی قەیرانەکانی ناوچەکە، دەکرێ وەک مۆدێلێک بۆ چارەسەرکردنی کێشەکانی سیاسی و ئابووری لە ئاسیا بەکاربھێنرێ.