شا سه‌لمان و بن سه‌لمان سه‌ره‌خۆشییان له‌ كوڕه‌كه‌ی خاشقچی كرد

ریاز - AA

به‌پێی هه‌واڵێكی ئاژانسی هه‌واڵیی فه‌رمیی سعوودیه‌ SPA، شا سه‌لمان بن عه‌بدالعه‌زیز و شازاده‌ی جێنشین محه‌مه‌د بن سه‌لمان، له‌ رێگای ته‌له‌فۆنه‌وه‌ په‌یوه‌ندییان به‌ سه‌لاحی كوڕی رۆژنامه‌نووس جه‌مال خاشقچی-یه‌وه‌ كردووه‌ و سه‌ره‌خۆشییان لێكردووه‌.

شا سه‌لمان و بن سه‌لمان به‌ جیاجیا په‌یوه‌ندییان به‌ سه‌لاحه‌وه‌ كردووه‌ و سه‌ره‌خۆشییان له‌ خێزانی خاشقچی كردووه‌، له‌به‌رامبه‌ردا سه‌لاحیش سوپاسی كردوون.

حكوومه‌تی سعودیه‌ رایگه‌یاندبوو، رۆژنامه‌نووس جه‌مال خاشقچی كه‌ دوای ئه‌وه‌ی 2ی تشرینی یه‌كه‌م سه‌ردانی كۆنسوڵخانه‌ی ئه‌و وڵاته‌ی كرد له‌ ئیستانبوڵ و دواتر نه‌بینرایه‌وه‌، له‌نێو بیناكه‌دا له‌ئه‌نجامی ده‌مه‌قاڵێ و شه‌ڕ له‌گه‌ڵ ژماره‌یه‌ك هاووڵاتیی سعوودیدا گیانی له‌ده‌ستداوه‌.