خەڵاتی یەکەمی شەترەنجی عێراق بە پێشمەرگە درا

لە میحوەری مەخموور بە نوێنەرایەتی پێشمەرگەکانی کوردستان یانەی شەترەنجی خانزادی کوردستان بە ھاوکاری پەیمانگای کاوەبلانکا کە لە پاڵەوانێتی شەترەنجی ٢٠١٥ی عێراقی پلەی یەکەمیان بەدەست ھێنابوو، خەڵاتی زێرینی خۆیان پێشکەش بە فەرماندەی پێشمەرگە سیروان بارزانی لە میحوەری مەخموور کرد.

ئەو خەڵاتە پێشکەش بە پێشمەرگەی کوردستان کرا و سیروان بارزانی بە نوێنەرایەتی پێشمەرگە کە وەک فەرماندەیەکی مێحوەرەی گوێر-مەخموورە ئەو خەڵاتەی وەرگرت.

راوێژکاری راگەیاندن لە فەرماندەیی پڵنگی رەش لە میحوەری گوێر-مەخموور قادر حەسەن بۆ ئاژانسی ئانادۆڵو گوتی: "ئەو میدالیایەی کە پێشکەش بە فەرماندە سیروان بارزانی کرا پێشکەش بە ھەموو پێشمەرگەکانی خاکپارێزی کوردستان کراوە و ئەمەش لە کاتێکدایە کە پێشمەرگە لە شەڕی داعش رۆڵێکی مێژوویی بە ھەموو جیھان نیشاندا و ھەروەھا ئەو میحوەرەش تایبەتمەندی خۆی ھەبووە لە پاراستنی پایتەختی کوردستان و ھەر بۆیەش خەڵاتەکە لەو میحوەرە بە پێشمەرگە بەخشرا".