خۆپیشاندانی پشتگیری لە رژێمی ئێران

تاران - AA

بەمەبەستی پشتگیری لە حکوومەت و ئیدارەی ئێران، هاووڵاتیان رژانە سەر شەقامەکان.

لەسەر بانگهێشتی حکوومەت و وەک نارەزایەتییەک لە هەمبەر خۆپیشاندانەکانی ئەم دواییەی ئێران، چەندین لایەنگری رژێم لە شارەکانی ئەهواز، ئابەدان، ئیلام، ئاراک، خورەم ئاباد گورگان، کرماشان، بوشەهر رژانە سەرشەقامەکان و کۆبوونەوەی جەماوەریان رێکخست.

خۆپیشاندەران دروشمی،"بروخێت ئەمریکا، بروخێت سعوودیە، بروخێت دووڕوو فیتنەکاران" یان دەگوتەوە.

لەلایەکی ترەوە کۆبوونەوەی جەماوەری کە لە لایەن دەزگای راسپاردەی سەر بە رێبەری ئێران، عەلی خامنەیی-ەوە رۆژ هەینی بڕیاربوو بەرێوەبچێت، دوا خرا.

رووداوەکانی ئێران رۆژی پێنجشەممە ٢٨ی کانوونی یەکەم، لە ئەنجامی پرۆتستۆکردنی گرانیی ژیان و گوزەران، بێکاریی و گەندەڵیی لەلایەن ژمارەیەک لە هاووڵاتییانی مەشهەدەوە، دەستیپێکردبوو. ناڕەزایەتییەکان لە ماوەیەکی کورتدا بۆ خۆپیشاندانی دژی رژێم گۆڕان و هەریەک لە تاران، کرماشان، سنە، زەنجان، شیراز، قوم، ئەهواز، زاهیدان، ئەراک، خوڕەمئاباد و زۆر شاری دیکەیان گرتەوە. تا ئێستاش لە ئەنجامی خۆپیشاندانەکاند​ا لانی کەم ٢٤ کەس گیانیان لەدەستداوە و زیاتر لە ١٠٠٠ کەس لە خۆپیشاندەران دەستبەسەرکراون.