بەرپرسێكی گەورەی داعش لە عێراق كوژرا

ئەنبار

بەرپرسێكی گەورەی رێكخراوی تیرۆریستی داعش لە پارێزگای ئەنبار بەهۆی هێرشی ئاسمانی هێزەكانی هاوپەیمانان، كوژرا.

عەقید لە سوپای عێراق، وەلید دلێمی بەئاژانسی ئانادۆڵوی راگەیاند كە فڕۆكەیەكی سەربە هێزەكانی هاوپەیمانی نێودەوڵەتی ئۆتۆمبێڵێكیان لە شارۆچكەی قائم سەربە پارێزگای ئەنبار كردووەتە ئامانج.

دلێمی رایگەیاند كە بەهۆی هێرشەكەوە چەكدارانی ناو ئۆتۆمبێڵەكە كوژراون كە بەرپرسێكی گەورەی رێكخراوی تیرۆریستی داعش بەناوی محەمەد غەسا عەبدولعەزیز ئەلخەیان-یشی لەنێودایە.

شارۆچكەی قائم لە ساڵی 2014وە لە ژێر كۆنترۆڵی رێكخراوی تیرۆریستی داعش دایە.