ئەمریکا.. لەبەردەم کۆشکی سپی هەوڵی ئەنجامدانی کودەتا ئیدانەکرا

سەدان هاووڵاتیی خەڵکی تورکیا کە لەچەندین ویلایەتی ئەمریکاوە هاتبوون لەگەڵ چەندین هاووڵاتیی لە نەتەوەکانی دیکە، لەبەردەم کۆشکی سپی ئەمریکادا کۆبوونەوە و ئیدانەی هەوڵی ئەنجامدانی کودەتایان لەلایەن رێکخراوی تیرۆریستیی فەتحوڵڵاچیەوە کرد.

لە واشنتۆن دی سی پایتەختی ئەمریکا و لەبەردەم کۆشکی سپیدا، سەدان هاووڵاتیی تورکیا، کە لە هەریەک لە ویلایەتەکانی ڤێرجینیا، ماریلاند، نیو جێرسییەوە هاتبوون، هاوکات لەگەڵ چەندین کەسی دیکە لە نەتەوەی جیاواز، کۆبوونەوە و ئیدانەی هەوڵی ئەنجامدانی کودەتایان لە تورکیا کرد.

لای خۆیشییەوە باڵیۆزی تورکیا لە واشنتۆن ئاشکرایکرد لە تورکیا دیموکراسییەکی بەهێز بوونی هەیە و رایگەیاند: '' گەلی تورکیا جارێکی دیکە بە جیهانی راگەیاند کە چەند پارێزگاری لە دیموکراسی دەکات''.