ئۆپۆزسیۆن له‌ ئیدلب پرۆسه‌ی كشانه‌وه‌ی چه‌كه‌ قورسه‌كان ته‌واو ده‌كات

ئیدلب/ئه‌نقه‌ره‌ - AA

پرۆسه‌ی چاكداماڵین له‌سه‌ر هێڵه‌كانی به‌ره‌ی پێشەوە له‌ ناوچه‌ی كه‌مكردنه‌وه‌ی بارگرژی ئیدلب له‌چوارچێوه‌ی رێككه‌وتنی سۆچی نێوان توركیا و رووسیا ته‌واو ده‌كرێت.

به‌پێی زانیاری په‌یامنێرانی ئاژانسی ئانادۆڵو له‌ ئیدلب، ئۆپۆزسیۆنی چه‌كدار به‌درێژایی دوێنێ شه‌و تاویان به‌ كاره‌كانی كشانه‌وه‌ی چه‌كه‌ قورسه‌كان داوه‌ له‌و ناوچانه‌ی به‌رامبه‌ر رژێم و ئه‌و گرووپانه‌ی ئێران پشتیوانیان ده‌كات.

گرووپه‌كانی سه‌ربه‌ سوپای سووریای ئازاد و گرووپه‌ چه‌كداره‌كانی نه‌یاری رژێم، به‌شێكی زۆری هاوه‌ن، تۆپ، رامپه‌ی گراد و رامپەی ئه‌و مووشه‌كه‌ مه‌ودا مامناوه‌ندانه‌ی توانای له‌ناوبردنی ئامانجیان هه‌یه‌ له‌ به‌ره‌ی به‌رامبه‌ر رژێمه‌كه‌ی به‌شار ئه‌سه‌د كشاندووه‌ته‌وه‌.

به‌گوێره‌ی ئه‌و زانیاریه‌ی سه‌رچاوه‌ سه‌ربازییه‌كانی ئۆپۆزسیۆن و به‌رپرسانی تورك كه‌ هه‌ماهه‌نگی پرۆسه‌كه‌ ده‌كه‌ن داویانه‌ به‌ ئاژانسی ئانادۆڵو، ئاماژه‌ به‌وه‌ ده‌كرێت كه‌ كاره‌كان له‌مڕۆدا ته‌واو ده‌كرێن.

له‌لایه‌كی دیكه‌وه‌، سوپای توركیا چه‌كی جۆراوجۆر و ئۆتۆمبێلی زرێپۆشی ره‌وانه‌ی ئه‌و به‌ره‌یه‌ كرد كه‌ له‌ چه‌كی قورس داده‌ماڵدرێت، ئه‌ویش بۆ ئه‌و ده‌ورییانه‌ی له‌ چوارچێوه‌ی رێككه‌وتنی سۆچی ده‌ستپێده‌كه‌ن.