یه‌كێتیی ئه‌ورووپا: "ستراتیجییه‌تێكی دوو ئاراسته‌ییمان به‌رامبه‌ر توركیا گرتووه‌ته‌ به‌ر"

بڕۆكسڵ – AA

سه‌رۆكی كۆنسه‌ی یه‌كێتیی ئه‌ورووپا، چارڵێز میشێل رایگه‌یاند كه‌ ستیراتیجییه‌تێكی دوو ئاراسته‌یییان به‌رامبه‌ر توركیا گرتووه‌ته‌ به‌ر و له‌سه‌ر ئه‌مه‌ش وه‌ك وڵاتانی ئه‌ندام له‌ یه‌كێتیی ئه‌ورووپا گه‌یشتوونه‌ته‌ رێككه‌وتن.

دوای لووتكه‌ی سه‌ركرده‌كانی وڵاتانی ئه‌ندام له‌ یه‌كێتیی ئه‌ورووپا كه‌ دوو رۆژی خایاند میشێل له‌ كۆنگره‌یه‌كی رۆژنامه‌وانیدا ئاماژه‌ی به‌وه‌ دا كه‌ به‌ وردی تاوتوێی ره‌وشی رۆژهه‌ڵاتی ده‌ریای ناوه‌ڕاست، په‌یوه‌ندییه‌كانی نێوان توركیا و یه‌كێتیی ئه‌ورووپا و سزاكانی سه‌ر بیلارووسیان كردووه‌.

سه‌رۆكی كۆنسه‌ی یه‌كێتیی ئه‌ورووپا، چارڵێز میشێل به‌ ئاماژه‌دان به‌وه‌ی كه‌ ستیراتیجییه‌تێكی دوو ئاراسته‌یییان به‌رامبه‌ر توركیا گرتووه‌ته‌ به‌ر و له‌سه‌ر ئه‌مه‌ش وه‌ك وڵاتانی ئه‌ندام له‌ یه‌كێتیی ئه‌ورووپا گه‌یشتوونه‌ته‌ رێككه‌وتن، گوتی: "ئه‌وه‌ی به‌لای ئێمه‌وه‌ گرنگه‌ ئه‌وه‌یه‌ له‌م چه‌ند هه‌فته‌ی داهاتوودا رۆژه‌ڤێكی ئه‌رێنی له‌گه‌ڵ توركیا به‌دی بهێنین. رۆژه‌ڤه‌ ئه‌رێنییه‌كه‌ ئه‌م به‌شانه‌ له‌خۆ ده‌گرێت كه‌ ئامانجی زیادكردنی هه‌ماهه‌نگییه‌ له‌گه‌ڵ توركیا. هه‌ره‌ دره‌نگ تاكوو كۆتایی ئه‌مساڵ چاودێری پێشهاته‌كانی دوو ئاراسته‌یی ده‌كه‌ین".

سه‌رۆكی كۆمیسیۆنی یه‌كێتیی ئه‌وروویا، ئۆرسولا ڤۆندەر لاین'یش گوتی: "له‌باره‌ی هه‌مواركردنه‌وه‌ی یه‌كێتیی گومرگ له‌ نێوان یه‌كێتیی ئه‌ورووپا و توركیا بۆ زیادكردنی قه‌باره‌ی بازرگانی و به‌هێزكردنی هه‌ماهه‌نگییه‌كان كار ده‌كه‌ین بۆ په‌یوه‌ندییه‌كی نوێ و درێژمه‌ودا".

ئورسولا ڤۆن دێر لا‌ین به‌ تیشك خستنه‌ سه‌ر ئه‌وه‌ی كه‌ پێشهاته‌ ئه‌رێنییه‌كان له‌ به‌رژه‌وه‌ندی هه‌موو لایه‌كدایه‌ و له‌ دۆخێكدا كه‌ ڤایرۆسی كۆرۆنای نوێ كاریگه‌ری نه‌رێنی زۆری كردووه‌ته‌ سه‌ر ئابووری زۆر كار ماوه‌ ده‌بێت ئه‌نجامی بده‌ن.