ھێرش و بۆردومانەکانی ئیسرائیل بۆسەر کەرتی غەززە بەردەوامن

غەززە ــ AA

لە ئاکامی بۆردومانێکی سوپای ئیسرائیل بۆ سەر خانوویەک لە ناوەڕاستی کەرتی غەززە، ٢٣ کەس کوژراون و برینداربوون.

نەخۆشخانەی عەودە لە ڕاگەیاندراوێکدا ئاماژەی بەوەداوە کە خانوویەک لە کەمپی نوسەیرات ناوەڕاستی کەرتی غەززە، لەلایەن فڕۆکەیەکی جەنگی ئیسرائیلەوە بۆردومان کراوە.

ڕاشیگەیاندووە لە ئاکامی بۆردومانەکەدا، ١٠ فەڵەستینی کوژراون و ١٣ی دیکەش برینداربوون.

ھاوکات شایەتحاڵەکان بە ئاژانسی ئانادۆڵویان ڕاگەیاند کە لەنێو کوژراوەکاندا، ژمارەیەک منداڵ و ئافرەت ھەیە.

بە گوتەی شایەتحاڵەکان، ھەر بەھۆی بۆردومانەکەوە، خانووەکە بە تەواوی ڕووخاوە.