ھاوپەیمانیی نێودەوڵەتی: "لەم مانگەدا، ٣٨ ئۆپەراسیۆنمان دژبە داعش لە عێراق و سووریا ئەنجامداوە"
گوتەبێژی ھاوپەیمانیی نێودەوڵەتی دژبە داعش، واین مارۆتۆ: "لە سەرەتای ئەم مانگەوە تا ئێستا، ٣٨ ئۆپەراسیۆنمان دژبە داعش لە عێراق و سووریا ئەنجامداوە".
Arbil
ھەولێر ــ AA
گوتەبێژی ھاوپەیمانیی نێودەوڵەتی دژبە داعش، واین مارۆتۆ رایگەیاند کە لە سەرەتای ئەم مانگەوە تا ئێستا، ٣٨ ئۆپەراسیۆنیان دژبە داعش لە عێراق و سووریا ئەنجامداوە.
واین مارۆتۆ لە ھەژماری تایبەتی خۆی لە تۆڕی کۆمەڵایەتی تویتەر نووسیوویەتی: "لە سەرەتای ئەم مانگەوە تا ئێستا، لەگەڵ ھاوبەشەکانمان لە عێراق و سووریا، ٣٨ ئۆپەراسیۆنمان دژبە داعش ئەنجامداوە".
راشیگەیاندووە کە لە میانی ئۆپەراسیۆنەکاندا، رێگریی لە ٢٧ تیرۆریستی داعش کراوە کە بە نیازبوون کردەی تیرۆریستی دژبە ھاووڵاتییانی عێراق و سووریا ئەنجام بدەن.