کۆبوونەوەی پەیوەندیدار بە دۆخی سووریا لە ١٥-١٦ی ئادار لە مۆسکۆ ئەنجام دەدرێت

ئەنقەرە – AA

کۆبوونەوەی پەیوەندیدار بە دۆخی سووریا لەنێوان تورکیا، رووسیا، رژێمی بەشار ئەسەد و ئێران ١٥-١٦ی ئادار لە مۆسکۆ ئەنجام دەدرێت.

بەپێی ئەو زانیارییانەی لە سەرچاوە دیپلۆماسییەکانەوە بە دەست گەیشتوون وادەی کۆبوونەوەی نێوان تورکیا، رووسیا، رژێمی بەشار ئەسەد و ئێران دیاریی کراوە. بەم جۆرە کۆبوونەوەکە لە ١٥-١٦ی ئادار لە مۆسکۆ ئەنجام دەدرێت.

جێگری وەزیری دەرەوەی تورکیا، بوراک ئاکچاپار؛ نوێنەری تایبەتی سەرۆکی رووسیا ڤلادیمیر پوتین بۆ کاروباری رۆژهەڵاتی ناوەڕاست و وڵاتانی ئەفریقا، میخائیل بۆگدانۆڤ؛ راوێژکاری کاروباری سیاسیی لە وەزارەتی دەرەوەی ئێران، عەلی ئەسغەر حاجی؛ جێگری وەزیری دەرەوەی رژێمی بەشار ئەسەد، ئەیمەن سوسان بەشداری لە کۆبوونەوەکەدا دەکەن.