کۆبوونەوەی وەزیرانی دەرەوەی عێراق و ئێران

ھەولێر ــ AA

وەزیری دەرەوەی عێراق، فوئاد حوسێن و وەزیری دەرەوەی ئێران، محەمەد جەواد زەریف ھاوکارییە دووقۆڵییەکانی نێوان بەغدا و تاران-یان تاوتوێ کرد.

ئاژانسی ھەواڵیی فەرمی عێراق بڵاویکردەوە کە فوئاد حوسێن لە چوارچێوەی سەردانەکەیدا بۆ تاران لەگەڵ محەمەد جەواد زەریف کۆبووەتەوە.

ئاماژەی بەوەیشداوە کە لە کۆبوونەوەکەدا، ھاوکارییە دووقۆڵییەکانی نێوان بەغدا و تاران تاوتوێ کراوە.

بەیانی ئەمڕۆ چوارشەممە وەزیری دەرەوەی عێراق، فوئاد حوسێن بەمەبەستی تاوتوێکردنی ژمارەیەک دۆسیەی ھاوبەش لەگەڵ گەورە بەرپرسانی ئێران، گەیشتە تاران.