پێنج سەربازی دیکەی سوپای ئیسرائیل لە غەززە کوژران و برینداربوون

ئیستانبوڵ ــ AA

سوپای ئیسرائیل ڕایگەیاند کە پێنج سەربازی دیکەی ھێزەکانیان لە میانی شەڕ و پێکدادانەکاندا لە باشووری کەرتی غەززە کوژراون و برینداربوون.

میدیای فەرمی ئیسرائیل لەسەر بنەمای ڕاگەیاندراوێکی سوپای ئیسرائیل بڵاوی کردووەتەوە کە سێ سەربازی دیکەی سوپای ئیسرائیل بەناوەکانی زیف چین، یائیر کۆھین و ناتانیێل یاعقوب لە باشووری غەززە کوژراون.

ڕاشیگەیاندووە، ئەو سێ سەربازە لە ئاکامی تەقینەوەی بۆمبێکی چێنراو لەناو باڵەخانەیەکدا لە باشووری کەرتی غەززە کوژران.

ھەروەھا ئاماژەی بەوەشداوە کە لە ئاکامی تەقینەوەکەدا، دوو سەربازی دیکەی سوپای ئیسرائیل بەسەختی برینداربوون.