پاکستان.. کوژرانی ٢٥ کەس لە دوو تەقینەوە

ئیسلام ئاباد - AA

لە ئەنجامی دوو ھێرشی بۆمبی لە شاری پاراچیناری ناوچەی ھۆزەکان لە وڵاتی پاکستان، بەلانی کەم ٢٥ کەس کوژران و ١٠٠ کەسیش برینداربوون.

یەکێک لە بەرپرسانی پۆلیسی ناوچەکە، بە ناوی سابیر حوسێن رایگەیاند کە تەقینەوەیەک لە وێستگەیەکی پاسەکان لە نێو بازاڕی شاری پاراچیناری روویداوە.

حوسێن ئاشکراشی کرد کە لە دوای گەیشتنی تیمەکانی فریاگوزاری بۆ ھاوکاریکردنی بریندارەکان، تەقینەوەی دووەم روویداوە.

ناوبراو راشیگەیاند کە لە ئەنجامی ئەم دوو تەقینەوەیە، بەلانی کەم ٢٥ کەس کوژران و ١٠٠ کەسیش برینداربوون.

تاکو ئێستا ھیچ لایەنێک تەقینەوەکەی لە ئەستۆ نەگرتووە.