هیندستان.. گیانلەدەستدانی ۹۰۳ کەسی دیکە بەهۆی کۆرۆنا

ئەنقەرە-AA

وەزارەتی تەندروستیی هیندستان لە راگەیەندراوێکدا ئەوەی ئاشکرا کرد کە ژمارەی ئەو کەسانەی تا ئێستا لەو وڵاتە بەهۆی کۆرۆنا گیانیان لەدەستداوە، ۹۰۳ کەس زیادی کردووە و گەیشتووەتە ۱۰۲ هەزار و ٦٨٥ کەس.

هەروەها ۷٤ هەزار و ٤٤۲ حاڵەتی نوێی تووشبوون بە ڤایرۆسەکە تۆمار کراوە و ژمارەی حاڵەتەکانی تووشبوون لە هیندستان گەیشتووەتە، شەش ملیۆن و ٦۲۳ هەزار و ٨۱٥ کەس.

تا ئێستاش پێنج ملیۆن و ٥٨٦ هەزار و ۷۰۳ تووشبووی ڤایرۆسەکە لە هیندستان چاکبوونەتەوە.

بەگوێرەی ئەو ئامارانەی کە ماڵپەڕی "Worldometer" بڵاویکردوونەتەوە، هیندستان لە رووی زۆری ژمارەی تووشبووانی کۆرۆنا لە ریزبەندی دووەمی جیهاندایە.