ناتانیاهۆ هەڕەشە لە ئێران دەکات

قودس-AA

سەرۆکوەزیرانی ئیسرائیل بنیامین ناتانیاهۆ رایگەیاند، "فڕۆکەی جەنگی F-35s کە لەدەستی ئیسرائیلدایە دەتوانێت بگاتە ئێران و سووریا و هەموو رۆژهەڵاتی ناوەڕاست".

ناتانیاهو لەکاتی سەردانیدا بۆ بنکەی سەربازیی ئاسمانی نەواتیم تایبەت بە سوپای ئیسرائیل لە باشووری وڵاتەکەی گوتەیەکی پێشکەش کرد.

ناتانیاهو لە بەردەم فڕۆکەی F-35s لە بنکە ئاسمانیەکە روونکردنەوەی داو گوتی، "ئێران لەم ماوەیەدا هەڕەشەی ئەوە لە ئیسرائیل دەکات کە لەناوی دەبات. دەبێت بیرتان بهێنمەوە کە ئەم فڕۆکانە دەتوانن بگەنە ئێران و سووریا و هەموو شوێنێکی رۆژهەڵاتی ناوەڕاست".

سەرۆکوەزیرانی ئیسرائیل ئێرانی بەوە تۆمەتبار کرد کە زوو زوو ئامانجیانە چەکی ئەتۆمی بەرهەم بهێنن و رایگەیاند کە ئەگەر ئیسرائیل بەتەنیاش بێت رێگە نادات ئێران ببێتە خاوەنی چەکی ئەتۆمی.