موقتەدا سەدر: "پێویستە لە عێراق چەک تەنھا لە دەستی ھێزە ئەمنییەکاندا بێت"

ھەولێر ــ AA

سەرکردەی ڕەوتی نیشتمانی شیعە لە عێراق، موقتەدا سەدر ڕایگەیاند کە پێویستە لە عێراق چەک تەنھا لە دەستی سوپا و ھێزە ئەمنییەکاندا بێت و ئاماژەی بەوەشدا کە نابێت، چەکی بێ مۆڵەت و گرووپی چەکداری نایاسایی لە عێراق بوونیان ھەبێت.

موقتەدا سەدر لە ھەژماری خۆی لە تۆڕی کۆمەڵایەتی ئێکس پەیامێکی بەبۆنەی ١٠٤ھەمین ساڵیادی دامەزراندنی سوپای عێراق بڵاوکردەوە و تیایدا نووسیوویەتی: "ئومێد دەکەم لە ساڵیادی ١٠٤ ھەمین دامەزراندنی سوپای عێراق، سەرجەم فەرماندە و ئەندامانی سوپا لەسەر بەڵێنەکانیان بۆ خۆشەویستی و پاراستنی نیشتمان بەردەوام بن، چونکە نیشتمانی شایانی ئەوەیە قوربانی بۆ بدەیت".

ھەروەھا ئاماژەی بەوەشداوە کە پێویستە لە عێراق، چەک تەنھا لە دەستی سوپا و ھێزە ئەمنییەکاندا بێت و ڕایگەیاندووە: "نەخێر، ھەزار جار نەخێر بۆ چەکی بێ مۆڵەت و گرووپە نایاساییەکان لە عێراق".