متمانە بە حکوومەتی لوبنان درا

حکوومەتی رێکەوتنی نیشتیمانی کە لەلایەن سەرۆکوەزیرانی لوبنان سەعد حەریری پێکهێنراوە، لەلایەن پەرلەمانی ئەو وڵاتەوە متمانەی پێدرا.

لە میانی دەنگدان لەسەر حکوومەتی رێککەوتنی نیشتیمانی لە پەرلەمانی لوبنان ٨٧ پەرلەمانتار دەنگیان بە حکوومەتەکەی حەریری دا، چوار پەرلەمانتاریش لەدژی دەنگیان دا و پەرلەمانتارێکیش دەنگی نەدا.

دوای متمانەدان بە حکوومەتەکەی، سەرۆکوەزیرانی لوبنان سەعد حەریری رایگەیاند: "لەپێناو هەماهەنگی نێوان گرووپە سیاسییەکان لەبارەی یەکدەنگی باوەڕ و هزر ئەم هەنگاوەمان ناوە".