مانۆڕی سوپای تورکیا لە نزیک ئیبراهیم خەلیل پێی نایە رۆژی سێیەم

شرنەخ-AA

مانۆڕی سەربازانی سوپای تورکیا لە شارۆچکەی سلۆپی و لە نزیک خاڵی سنووری ئیبراهیم خەلیل بەردەوامی هەیە کە رۆژی پێشووتر دەستیپێکردبوو.

مانۆڕەکە سێ کیلۆمەتر لە دووری سنوورەوە بەردەوامی هەیە و چەندین شۆفڵ سەرقاڵی دروستکردنی رەبایەن. ئەمە لە کاتێکدایە کە چەندین ئۆتۆمبێلی سەربازی و تانک جێگیرکراون و بەردەوام تانکەکان مانۆڕ دەکەن و چەندین چادریش بۆ سەربازەکان هەڵدراون.