لە دەککای پایتەختی بەنگلادیش بینایەکی چەند قات گڕدەگرێت

دەککا-AA

لە ئەنجامی گڕگرتنی بینایەکی چەند قاتی لە دەککای پایتەختی بەنگلادیش، ژمارەیەکی زۆر خەڵک لەنێو بیناکەدا، گیریان خواردووە.

بەرپرسی یەکەی ئاگرکوژێنەوە، ئیرشاد حوسەین رایگەیاند کە لە ناوچەی بانانی بینایەکی چەند قات کە وەک ئۆفیس بەکاردێت گڕی گرتووە.

تیمەکانی ئاگرکوژێنەوە و هەلیکۆپتەری سەربازیی لە هەوڵی رزگارکردنی ئەو کەسانەدان کە لە بیناکەدا گیریان خواردووە.

میدیای ناوخۆی وڵاتەکە باس لەوە دەکەن کە هەندێک لەوانەی کە گیریان خواردووە لە پەنجەرەکانەوە خۆیان هەڵداوە، هاوکات لە قاتە بەرزەکانەوە داوای یارمەتی دەکەن.