لێدوانی لاڤرۆڤ لەبارەی "مانۆڕی سەربازیی"

مۆسکۆ - AA

وەزیری دەرەوەی رووسیا، سێرگی لاڤرۆڤ رایگەیاند کە مانۆڕی کەشتیگەلی رووسیا لە دەریای سپی گونجاوە لەگەڵ یاساکانی نێودەوڵەتی. گوتیشی: "ھەر دەوڵەتێک بە پابەندبوون بە یاساکانی نێودەوڵەتی مافی ئەنجامدانی مانۆڕی ھەیە".

لاڤرۆڤ لە دوای کۆبوونەوەی لەگەڵ وەزیری دەرەوەی ئێریتیریا، عوسمان ساڵح لە شاری سۆچی، کۆنگرەیەکی رۆژنامەوانی رێکخست و تێدا باسی مانۆڕی سەربازیی کەشتیگەلی رووسیای لە دەریای سپی کرد.

لاڤرۆڤ راشیگەیاند کە ئەو مانۆڕە شتێکی ئاساییە و گوتیشی: "ھەر دەوڵەتێک بە پابەندبوون بە یاساکانی نێودەوڵەتی مافی ئەنجامدانی مانۆڕی ھەیە. ئەمە یان لە ناوچەی خۆی، یانیش بەپێی رێککەوتن لە ناوچەی وڵاتێکی دیکە، یاخود لە دەریای نێودەوڵەتی دەکرێت ئەنجام بدرێت".

فەرماندەی سەرەکی گەشتیگەلی رووسیا، ڤلادمیر کۆرۆلێڤ لەبارەی ئەو مانۆڕە سەربازییەی وڵاتەکەی کە بڕیارە لە ١ تا ٨ی ئەیلوول لە دەریای سپی ئەنجام بدرێت رایگەیاندبوو کە: "کەشتیگەلی سەربازیی و ھێزەکانی ئاسمانی لە مێژووی مۆدێرنی رووسیا، بۆ یەکەمین جار لە دەریای سپی مانۆڕ ئەنجام دەدەن".