له‌ میسر په‌خشی ماڵپه‌ڕه‌كانی ئاژانسی ئانادۆڵو و TRT راگیران

قاهیره‌ - AA

دوای كۆچی دوایی یه‌كه‌مین سه‌ركۆماری هه‌ڵبژێردراوی میسر، محه‌مه‌د مورسی له‌ سه‌رتاسه‌ری میسر په‌خشی ماڵپه‌ڕه‌كانی TRT و ئاژانسی ئانادۆڵو له‌سه‌ر تۆڕی ئینته‌رنێت راگیران.

له‌ كاتێكدا لایه‌نی په‌یوه‌ندیدار هیچ لێدوانێكی نه‌داوه‌، به‌ڵام له‌و وڵاته‌ كه‌س ناتوانێت بچێته‌ ناو لاپه‌ڕه‌كانی ئینته‌رنێتی ئه‌و دوو ده‌زگایه‌ و ئه‌پڵیكه‌یشنه‌كانیشیان نابنه‌وه‌.

دوای ئه‌وه‌ی دوێنێ ته‌له‌ڤزیۆنی ده‌وڵه‌تی میسر رایگه‌یاند كه‌ محه‌مه‌د مورسی كۆچی دوایی كردووه‌، وه‌زاره‌تی ناوخۆ له‌ سه‌رتاسه‌ری ئه‌و وڵاته‌ "هه‌ستیاری" راگه‌یاند.