سەرۆکی ئەمریکا ترەمپ تووشی پەتای ڤایرۆسی کۆرۆنای نوێ بوو

واشنتۆن - AA

سەرۆکی ئەمریکا، دۆناڵد ترەمپ ئاشکرای کرد کە پشکنینی خۆی و میلانیا ترەمپ-ی هاوسەری بۆ ڤایرۆسی کۆرۆنای نوێ پۆزەتیڤ دەرچووە.

ترەمپ لە رێگەی هەژماری خۆی لە تویتەر، توشبوونی بە پەتای ڤایرۆسی کۆرۆنای نوێ راگەیاند.

لە تویتەکەیدا، ترەمپ رایگەیاند: ''ئەمشەو پشکنینی خانمی یەکەم و من بۆ ڤایرۆسی کۆرۆنای نوێ پۆزەتیڤ دەرچوو. خێرا دەستدەکەین بە قۆناغی کەرەنتینە و چارەسەری. بەیەکەوە ئەو قۆناغە تێدەپەڕێنین''.

دوای ئەوەی پشکنینی راوێژکارەکەی، هۆپ هیکس بۆ پەتای ڤایرۆسی کۆرۆنای نوێ پۆزەتیڤ دەرچوو، سەرۆکی ئەمریکا ترەمپ ماوەیەکی کەم پێش ئێستا بڵاوی کردەوە کە خۆی و هاوسەرەکەی دەست دەکەن بە قۆناغی کەرەنتینە.

هیکس کە یەکێکە لە راوێژکارانی نزیکی ترەمپ، لە ماوەی رابردوودا یەکێک بوو لەوانەی لە زۆر گەڕانی هەڵمەتی هەڵبژاردندا لەگەڵ ترەمپ بووە.