سەركۆمارى توركيا گەیشتە قەتەر

دۆحە - AA

سەركۆمارى توركيا، رەجەب تەيب ئەردۆغان کاتژمێر ١٤:٢٠، بە فڕۆکەی تایبەتی "TUR" گەیشتە دۆحە پایتەختی قەتەر.

رەجەب تەیب ئەردۆغان لە فڕۆکەخانەی دۆحە لەلایەن وەزیری بەرگریی قەتەر، خالید بن محەمەد عەتیە و باڵیۆزی تورکیا لە دۆحە، مەهمەت مستەفا گۆکسو و بەرپرسانی دیکەی قەتەرەوە پێشوازی لێکرا.

هەریەک لە وەزیری ئابووری و گەنجینە، بەرات ئاڵبایراک و وەزیری وەرزش و لاوان، مەهمەت کاساپئۆغڵو و وەزیری بەرگریی، خولوسی ئاکار و سەرۆکی میت، هاکان فیدان و بەرپرسی فەرمانگەی پەیوەندییەکان لە سەرۆکایەتی کۆمار، فەخرەددین ئاڵتوون و گوتەبێژی سەرۆکایەتی کۆمار، ئیبراھیم کاڵن یاوەری ئەردۆغان دەکەن لە سەردانەیدا.

لە چوارچێوەی دیدار و کۆبوونەوەکانیدا، سەركۆمارى توركيا، رەجەب تەيب ئەردۆغان لەگەڵ ميرى قەتەر، شێخ تەميم بن حەمەد ئال سانى كۆدەبێتەوە.

ئەردۆغان و ئال سانى تاوتوێ رێوشوێنەکانی زياتر پێشخستنى هەماهەنگی نێوان هەردوو وڵاتدا دەکەن و بیروڕا ئاڵوگۆڕ دەکەن سەبارەت بە دوایین پێشهاتە هەرێمیی و نێودەوڵەتييەكان.