سوپای میسر کوژرانی ٤٧ چەکداری لە سینا راگەیاند

قاهیرە - AA

ئەمڕۆ پێنجشەممە سوپای میسر کوژرانی ٤٧ چەکدار و پێنج سەرباز کە یەکێکیان ئەفسەرە لە سینا راگەیاند.

بەپێی بەیاننامەکەی سوپا کە تەلەڤیزیۆنی فەرمی بڵاویکردووەتەوە "٤٧ چەکداری توندڕەو لە باکوور و ناوەڕاستی سینا (باکووری رۆژهەڵاتی میسر) کە تفەنگ، گولـلە و بۆمبی ئامادەکراو بۆ تەقاندنەوەیان پێبووە، کوژراون".

لە بەیاننامەکەدا ئەوەیش دووپاتکراوەتەوە کە لە میانی پێکدادانەکاندا، پێنج سەرباز کوژراون کە یەکێکیان ئەفسەرە و چوار سەربازی دیکەیش برینداربوون.