سوپای ئیسرائیل ھێرشی ئاسمانی کردە سەر باشووری لوبنان

بەیروت ــ AA

لە ھێرشێکی ئاسمانی سوپای ئیسرائیلدا، بۆسەر شارۆچکەیەک لە باشووری لوبنان، ژمارەیەک کەس برینداربوون.

ئاژانسی ھەواڵی فەرمی لوبنان بڵاوی کردەوە کە فڕۆکە جەنگییەکانی ئیسرائیل، ھێرشیان کردووەتە سەر شارۆچکەی میس جەبەل باشووری لوبنان.

ڕاشیگەیاندووە کە لە میانی ھێرشەکەدا، خانوویەک لە شارۆچکەکە کراوەتە ئامانج و بەھۆیەوە ژمارەیەک کەسی مەدەنی و کارمەندێکی بەرگریی شارستانی برینداربوون.

ھەروەھا ئاژانسەکە ئاماژەی بەوەشداوە کە ژمارەیەک شارۆچکەی دیکەی باشووری لوبنان، لەلایەن تۆپخانەکانی ئیسرائیلەوە، بۆردومان کراون.