سوپای ئیسرائیل بەردەوامە لە بۆردومانکردنی کەرتی غەززە

غەززە ــ AA

بەرەبەیانی ئەمڕۆ سێشەممە، ژمارەیەک خانوو کە ناوەڕاست و باشووری کەرتی غەززە، لەلایەن فڕۆکە جەنگییەکانی ئیسرائیلەوە بۆردومان کران و لە ئاکامدا، ٢٣ فەڵەستینی کوژران.

سەرچاوەیەکی پزیشکی بە ئاژانسی ئانادۆڵوی ڕایگەیاند کە خانوویەک لە شارۆچکەی بەنی سوھەیلە ڕۆژھەڵاتی شاری خان یونس باشووری کەرتی غەززە، لەلایەن فرۆکە جەنگییەکانی ئیسرائیلەوە بۆردومان کراوە و لە ئاکامدا، ١٠ فەڵەستینی کوژراون و ژمارەیەکی دیکەش برینداربوون.

سەرچاوەکە ئاماژەی بەوەشدا کە فڕۆکەیەکی بێفڕۆکەوانی ئیسرائیل، خانوویەک لە شارۆچکەی فەخاری رۆژھەڵاتی خان یونس بوردومان کردووە و بەھۆیەوە پێنج فەڵەستینی کوژراون.

ھەروەھا ژمارەیەک سەرچاوەی پزیشکی دیکە بە ئاژانسی ئانادۆڵویان ڕایگەیاند کە لە ئاکامی بۆردومانکردنی خانوویەک لە باکووری ڕۆژھەڵاتی کەمپی نوسەیرات ناوەڕاستی کەرتی غەززە، پێنج فەڵەستینی کوژراون و ژمارەیەکی دیکەش برینداربوون.

ھاوکات سەرچاوەیەکی پزیشکی لە نەخۆشخانەی عەودە بە ئاژانسی ئانادۆڵوی ڕایگەیاند کە خانوویەک لە ڕۆژئاوای کەمپی نوسەیرات، لەلایەن فڕۆکە جەنگییەکانی ئیسرائیلەوە بۆردومان کراوە و لە ئاکامدا، دوو فەڵەستینی کوژراون.

ھەر لەوبارەیەوە شایەتحاڵەکان بە ئاژانسی ئانادۆڵویان ڕایگەیاند کە لە ئاکامی بۆردومانکردنی خانوویەک لە کەمپی نوسەیرات لەلایەن فڕۆکەیەکی بێفڕۆکەوانی ئیسرائیلەوە، فەڵەستینییەک کوژراوە و یەکێکی دیکەش برینداربووە.