سوپای ئازەربایجان ٢١ گوند و شارەدێیەکی لە داگیرکاریی ئەرمینیا رزگارکرد

باکو - AA

سەرکۆماری ئازەربایجان، ئیلھام عەلییێڤ رایگەیاند کە سوپای وڵاتەکەی ٢١ گوند و شارەدێیەکی لە داگیرکاریی ئەرمینیا رزگارکردووە.

عەلییێڤ لە ھەژماری تایبەتی خۆی لە تۆڕی کۆمەڵایەتی تویتەر رایگەیاند "سوپای قارەمانی ئازەربایجان، گوندی گێجە گۆزلی، ئاشاخی سەیدئەحەتلی و زەرگاری سەربە پارێزگای فوزولی، گوندەکانی بەلەند، پاپی، گومدەکانی تولوس، حاجلی و تینلی سەربە پارێزگای جەبرایل لە داگیرکاریی رزگارکرد. بژی سوپای ئازەربایجان. قەرەباغ ئازەربایجانە".

عەلییێڤ لە تویتێکی دیکەدا رایگەیاندبوو کە شارەدێی مینچیڤان و گوندەکانی ھوراما، ھومارلی،سارل، بابەیل، ئۆچزنجو ئاغالی،ھاجالی، گیراە موشلان، ئودگان، توراباد، ئیچەری موشلان، مەلیکلی، جاھانجیربەیلی و باھارلی سەربە پارێزگای زەنگیلان لە داگیرکاریی رزگارکراوە.