سووریا.. هێرشی سوپای رژێم بۆسەر تورکمانەکان

تۆپباران کردنی سوپای رژێمی سووریا بۆسەر هەردوو ناوچەی چیای ئەکراد و چیای تورکمان-ی سەربە پارێزگای لازقییە دەستی پێ کرد.

بەپێی ئەو زانیاریانەی لەسەرچاوەكانی تایبەت لەو ناوچانەوە بەدەست گەیشتوون، سوپای رژێمی ئەسەد بەپاڵپشتی فڕۆكەكانی جەنگی رووسیا، هێرشەكانی خۆی بۆسەر هەردوو ناوچەی چیای ئەكراد و چیای توركمان لە شارۆچكەی باریبوجاكی سەربە پارێزگای لازقییە چڕتر كردووە.

ناوچەكە بە تۆپی تانك و مووشەكی دوورمەوداوە كەوتۆتە بەر تۆپیارانێكی خەست.

دەنگی تەقینەوەكان لەشاری هەتای توركیاوە دەبیسترێت و تۆزو دووكەڵێكی زۆر لە ناوچەكانی توركماننشین دەبینرێت.