سعوودیه‌: "فه‌ریزه‌ی حه‌ج به‌ رێكاره‌كانی خۆپارێزیی له‌ كۆرۆنا به‌ڕێوه‌ده‌چێت"

ریاز- AA

سعوودیه‌ ئاشكرایكرد، ئه‌مساڵ فه‌ریزه‌ی حه‌ج به‌ مه‌رج و رێكاره‌ ته‌ندروستیی و خۆپارێزییه‌كان له‌ ڤایرۆسی كۆرۆنای نوێ (COVID-19) به‌ڕێوه‌ده‌چێت.

له‌ راگه‌یه‌ندراوێكدا وه‌زاره‌تی حه‌ج وعومره‌ی سعوودیه‌، ئاشكرایكردووه‌ به‌مه‌به‌ستی پاراستنی سه‌لامه‌تی گیانی حاجیانی ئه‌مساڵ و به‌ له‌به‌رچاوگرتنی ئاسانكارییكردن له‌ ئه‌نجامدانی په‌رستشه‌كه‌دا، فه‌ریخه‌ی حه‌ج به‌ مه‌رج و رێكاره‌ ته‌ندروستیی و خۆپارێزییه‌كان له‌ ڤایرۆسی كۆرۆنای نوێ (COVID-19) به‌ڕێوه‌ده‌چێت.

له‌ راگه‌یه‌ندراوه‌كه‌دا باس له‌وه‌شكراوه‌ كه‌ دواتر ورده‌كاریی مه‌رج و رێكاره‌كانی په‌یوه‌ست به‌ فه‌ریزه‌ی حه‌ج، بڵاوده‌كرێنه‌وه‌.

ساڵی رابردوو به‌هۆی بڵاوبوونه‌وه‌ی ڤایرۆسی كۆرۆناوه‌، سعوودیه‌ ته‌نها رێگه‌ی به‌و كه‌سانه‌ دا كه‌ دانیشتووی وڵاته‌كه‌ن، فه‌ریزه‌ی حه‌ج به‌ ئه‌نجام بگه‌یه‌نن ئه‌وه‌ش به‌ شێوه‌یه‌كی سنووردار.