سریلانکا.. رێوڕەسمی ئایینی رۆژانی یەکشەممە ئەنجام نادرێت

ئەنقەرە - AA

دوای ئەوەی کڵێسایەکی کاتۆلیکی لە سریلانکا کرایە ئامانجی هێرشێکی تیرۆریستی، لەبەرامبەر ئەگەری هێڕشێکی تردا، بڕیار درا بە وەستاندنی کاتیی مەراسیمە ئایینیەکان.

سەرمەتڕانی کۆڵۆمبۆ کاردیناڵ، مالکۆم رانجیز لە کۆنگرەیەکی رۆژنامەوانیدا رایگەیاند لەبەرامبەر ئەگەری هێرشێکی تری تیرۆریستیدا ئەنجامدانی مەراسیمی ئایینی رۆژانی یەکشەممە تا کاتێکی نادیار وەستێندراوە.

رۆژی رابردوو سەرۆکوەزیرانی سریلانکا رانیل ویکەرمەسینغە ئاماژەی بەوەدا هەندێک کەس کە گومانیان لێدەکرێت رۆڵیان هەبووبێت لە هێرشە تیرۆیستییەکەی رۆژی یەکشەممەدا تائێستا لەدەرەوە دەسووڕێنەوە و هۆشداریشی دا لە ئەگەری ئەنجامدانی هێرشێکی تری خۆکوژی.