راگەیەندراوی ھاوبەشی رووسیا و لوبنان لەسەر پرسی سووریا

مۆسکۆ - AA

رووسیا و لوبنان جەختیان لەسەر چارەسەرکردنی پرسی سووریا بە رێگەی دیپلۆماتیکی و سیاسی کردەوە.

سەرۆکی رووسیا، ڤلادمیر پوتین لەگەڵ سەرکۆماری لوبنان، میشایل عون لە شاری مۆسکۆ کۆبووەوە. لە دوای کۆبوونەوەکە ھەردوو سەرۆکەکە، راگەیاندراوێکی ھاوبەشیان بڵاوکردەوە کە تێدا بە زۆری باس لە پرسی سووریا دەکرێ.

لە راگەیەندراوەکەدا ھاتووە:

"رووسیا و لوبنان بەرگری لەوە دەکەن کە پێویستە رێز لە سەروەری، یەکێتی، سەربەخۆیی و یەکپارچەیی خاکی سووریا بگیرێ و لە ھەمان کاتدا دەبێ پرسی سووریا لەسەر بنەمای سیاسی و دیپلۆماتیکی لە چوارچێوەی بڕیاری کۆنگرەی دیالۆگی نیشتمانی سووریا لە سۆچی و بڕیاری ژمارە ٢٢٥٤ی ئەنجوومەنی ئاسایشی نەتەوە یەکگرتووەکان چارەسەر بکرێ".

ھەر لە راگەیەندراوە ھاوبەشەکەدا جەختیش لەوە کرایەوە کە بۆ دەستپێکردنی قۆناغی دانوستانی سیاسی و کەمکردنەوەی ئاستی توندوتیژی لەو وڵاتە، تورکیا و ئێران رووسیا لەسەر بنەمای فۆرماتی ئاستانا کاری پێویست و کاریگەیان ئەنجامداوە.