دەزگای هەواڵگری رووسیا کۆنسوڵێکی ئۆکراینا-ی دەستبەسەر کرد

مۆسکۆ- AA

دەزگای هەواڵگری رووسیا، دەستبەسەرکرانی کۆنسوڵی ئۆکراینا لە شاری سان پێترێسبۆرگ-ی راگەیاند.

دەزگاکە لە راگەیەندراوێکدا ئەوەی خستوەتەڕوو کە کۆنسوڵ، ئالێکساندەر سۆسۆنیوک لەڕێگەی هاووڵاتییەکی رووسەوە کۆمەڵێک زانیاری نهێنی تایبەت بە ئاسایشی رووسیا-ی دەست خستووە و لە کاتی وەرگرتنی زانیارییەکاندا دەستگیر کراوە.

دەزگای هەواڵگری، لە راگەیەندراوەکەیدا نووسیویەتی: "ئەم جۆرە کارانە لەگەڵ پێگەی کارمەندە دیپلۆماسییەکاندا ناگونجێن و هەڵوێستێکی دوژمنکارانەی ئاشکران بەرامبەر رووسیا".