خوڵەمێشی فیدل کاسترۆ لە کوبا دەگەڕێنرێت

سانتا کلارا- AA

خۆڵەمێشی تەرمی سەرکردەی کوبی فیدڵ کاسترۆ، دوای بڕینی ٨٠٠ کیلۆمەتر گەیەندرا یەکەم وێستگە کە شاری سانتا کلارایە.

رۆژی رابردوو کاتژمێر ٧:٠٠ بەیانی لە رێورەسمێکی شایستەدا خۆڵەمێشی تەرمی فیدڵ کاسترۆ لە نێو تابوتێکدا و بە یاوەری پاسەوانان گەیەندرا مەیدانی شۆرش لە هاڤانا و دواتر لە رێگەی شەقامی مالیکۆن بەرەو ناوچەکانی دەورووبەری کوبا جوڵەی پێکرا.

بە هەزاران هاووڵاتی کوبا لەسەر شەقامەکان وەستابوون و پێشوازیان لە تەرمی ناوبراو دەکرد و سلاویان لە خۆڵەمێشی تەرمەکەی دەکرد.

خۆڵەمێشی تەرمی کاسترۆ ئێوارەی دوێنێ گەیەندرا شاری سانتا کلارا و بە درێژایی شەو لە تەنیشت گۆڕی شای گیڤارە دانرا .

ئەمڕۆش خۆڵەمێشی کاسترۆ لە سانتا کلارا وە بەرەو شاری جاماگوێی دەبردرێت.

لە دواین ویشتگەشدا خوڵەمێشەکە بەرەو شاری سان تیاگۆ لە باشووری رۆژهەڵاتی وڵاتەکە دەبردرێت و لە رێورەسمێکدا لەوێ بەخاک دەسپێردرێت.