Wassim Samih Seifeddine
16 تشرینی یەکەم 2021•نوێکردنەوە: 16 تشرینی یەکەم 2021
بەیروت - AA
سەرۆکی ئەنجوومەنی جێبەجێکاری حزبوڵڵای لوبنان، هاشم سەفیەددین رایگەیاند، پارتی هێزەکانی لوبنان کۆمەڵکوژیی تەیونەیان ئەنجامداوه و دەبێ ئەوان بەرپرسیارییەتی ئەو رووداوە بگرنە ئەستۆ.
هاشم سەفیەددین لە گوتارێکدا کە لە رێوەڕەسمی بەخاکسپاردنی ئەو چوار کەسەی کە لە رووداوەکانی تەیونەدا کوژران، گوتی: "بۆسەکەی دوێنێ کە هاووڵاتییانی مەدەنی کردە ئامانج لە لایەن پارتی هێزەکانی لوبنان ئەنجامدرا، ئەوانەی خەڵکی مەدەنی دەکەنە ئامانج ترسنۆک و لاوازن".
تا ئێستا هیچ روونکردنەوەیەکی لە لایەن پارتی هێزەکانی لوبنان کە پارتێکی کریستیانە و لە لایەن سەمیر جەعجەع سەرۆکایەتی دەکرێت، لەسەر ئەم لێدوانەی هاشم سەفیەددین نەداوە، بەڵام پێشتر پارتەکە کە بە هەڵوێستەکانی دژبە حزبوڵڵا ناسراوە، تۆمەتی هاوشێوەی رەتکردبوویەوە.
سەرۆکی ئەنجوومەنی جێبەجێکاری حزبوڵڵای لوبنان گوتیشی: "ئامانج لەو کارە دروستکردنی شەڕێکی ناوخۆییە و ئەمڕۆ زیادەڕۆیی ناکەم کاتێک دەڵێم (پارتی) هێزەکانی لوبنان بە دوای دووبارە هەڵگیرسانی شەڕێکی ناوخۆیی بوون لە لوبناندا".
هاشم سەفیەددین گوتیشی: "ئەو دیمەنەی کە دوێنێ بینیمان یەکێکە لەو زنجیرانەی لە لایەن ئەمریکاوە بەڕێوەدەبرێت و لەلایەن چەند عەرەبێکەوە کۆمەکی دەکرێت".
لە رێوڕەسمەکەدا کە هەزاران کەس لە لایەنگرانی حزبوڵڵا ئامادەی بوون، هاشم سەفیەددین گوتی: "هێزە ئەمنییەکان بەر لە دەستپێکردنی خۆپیشاندانەکە لە ئەگەری رووداوی هاوشێوە ئاگاداریان کردینەوە".
ئەمڕۆ هەینی، رێکخراوی خاچی سووری لوبنان رایگەیاند، لە رووداوەکانی تەیونەدا تاوەکو ئێستا کوژرانی حەوت کەس و برینداربوونی ٣٢ کەسی دیکە تۆمار کراوە کە برینی ژمارەیەکیان سهخته.
دوێنێ پێنجشەممە، لایهنگرانی حزبوڵڵا و بزووتنهوهی ئهمهل بهمهبهستی داواكردنی لادانی دادوهر تارق بیتار كه لێكۆڵینهوه له تهقینهوهكهی ساڵی رابردووی بهندهری بهیروت دهكات و هێنانی دادوهرێكی دیكه بۆ جێگای ئهو، بهرهو كۆشكی دادی بهیروت رێپێوانیانکیان ئەنجامدا.
له كاتی رێپێوانهكهدا له كاتێكدا خۆپیشاندهران گهیشتوونهته ناوچهی تهیونە له سهربانی ژمارهیهک باڵهخانهوه تهقهیان لێ كرا.
