ترەمپ و ئابێ پەیامی یەکڕیزییان دا

واشنتۆن - AA

سەرۆکی ئەمریکا، دۆناڵد ترەمپ و سەرۆکوەزیرانی ژاپۆن، شینزۆ ئابێ لە میانی پەیوەندییەکی تەلەفۆییدا، تاوتوێی هەڕەشەکانی کۆریای باکووریان کرد.

لە راگەیەندراوێکدا کە کۆشکی سپی بڵاوی کردووەتەوە، ئاماژە بەوە دراوە کە سەرۆکی ئەمریکا و سەرۆکوەزیرانی ژاپۆن هاوڕابوون لەسەر زیاد کردنی فشارەکانیان بۆسەر کۆریای باکوور.

لەو پەیوەندیە تەلەفۆنییەدا هەر دوولا باسیان لەو هەڕەشانە کردووە کە کۆریا بۆ سەر ژاپۆن و کۆریای باشوور و ئەمریکا دروست کردووە و لەو چوارچێوەیەدا ترەمپ جەختی کردووەتەوە لە پێویستی نزیک بوونی پەیوەندیەکانی هەر سێ وڵات.