ئەنبار.. کوژرانی نۆ کەس

ئەنبار ــ AA

سەرچاوەیەکی سەربازی رایگەیاند لە ئاکامی پەلامارێک کە لە لایەن ژمارەیەک چەکداری نەناسراو بۆ سەر ماڵێک لە پارێزگای ئەنبار ئەنجامدراوە، نۆ کەس کوژران لەنێویاندا ئەفسەرێکی حەشدی شەعبی.

ئەفسەر لە سوپای عێراق، رائید جەمال حەلبوسی بۆ ئاژانسی ئانادۆڵو گوتی: "شەوی رابردوو، ژمارەیەک چەکدار کە جلوبەرگی سەربازییان پۆشیبوو، ھێرشیانکردووەتە سەر ماڵی ئەفسەرێکی حەشدی شەعبی بە پلەی نەقیب لە ناوچەی زابتییە رۆژھەڵاتی شاری رومادی ناوەندی پارێزگای ئەنبار".

بە گوتەی رائید جەنال حەلبوسی لە ئاکامی ھێرشەکەدا، ئەفسەرەکەی حەشدی شەعبی لەگەڵ ھەشت کەسی دیکە کوژراون و سێی دیکەش برینداربوون.

ناوبراو ئاماژەی بەوەشدا کە سێ لە کوژراوەکان بران و یەکێکیان سەرۆکھۆزی ئەبو مەرعی-یە کە لە میانی پەلامارەکەدا، ئەو کەسانە لە لایەن ئەفسەرەکەی حەشدی شەعبی میوانداریکرابوون.