ئەفغانستان.. کوژرانی١٣ کەس لە ئاکامی تەقینەوەیەک

کابول- AA

تەقینەوەی بۆمبێکی چینراو لە ویلایەتی سەرپول باکووری ئەفغانستان، ١٣ کوژراوی لێکەوتەوە.

بەرپرسانی ئاسایش لە ویلایەتی سەرپول ئەوەیان ئاشکرا کردووە کە لە شاری سوزما کالە بۆمبێکی چێندراو بە کاروانێکی سەربازییدا تەقیوەتەوە.

ئەوەش خراوەتەڕوو کە لە پەلامارەکەدا، ١٠ سەرباز و سێ مەدەنی کوژراون و سێ سەربازیش برینداربوون.

تا ئێستا هیچ لایەنێک بەرپرسیارییەتی خۆی لە ئەنجامدانی پەلامارەکە رانەگەیاندووە.

بەرپرسانی ئەفغانستان بزووتنەوەی تاڵیبان-یان بە ئەنجامدانی تەقینەوەکە تۆمەتبار کردووە.