ئێران هەنگاوی چوارەمی لەبارەی رێککەوتنی ئەتۆمییەوە ئاشکرا کرد

تاران - AA

ئێران بە پاساوی جێبەجێ نەکردنی بەڵێنەکان لەلایەن وڵاتانی ئەورووپاوە لەسەر رێککەوتنی ئەتۆمی، وەک هەنگاوی چوارەم لە سبەی چوارشەممەوە، لە بنکەی ئەتۆمی فۆردۆ کە لە شاری قوم-ە، پەرە بە بەرنامە ناوەکییەکانیان دەدەن و غاز لە هەزار و ٤٤ سەنتریفوژ زیاد دەکەن.

سەرکۆماری ئێران حەسەن رۆحانی لە ڕێوڕەسمی کردنەوەی کارگەی پەرەپێدانی داهێنەرانەی ئازاددا، گوتەیەکی پێشکەش کرد و ئاماژەی بە هەنگاوی چوارەمی وڵاتەکەی کرد لەبەرامبەر جێبەجێ نەکردنی بەڵێنەکانی وڵاتانی یەکێتی ئەورووپا لەهەمبەر رێککەوتنی ئەتۆمی.

رۆحانی ئاشکرای کرد وەک هەنگاوی چوارەم لەبنکەی ئەتۆمی فۆردۆ کە لەشاری قوم-ە گاز بۆ هەزار و ٤٤ سەنتریفوژ زیاد دەکەن.

حەسەن رۆحانی ئاماژەی بەوەدا کە ئەم هەنگاوەیان هاوشێوەی ئەوانەی پێشتر، پاشگەزبوونەوەی نییە.

سەرکۆماری ئێران جەختی لەوە کردەوە کە لەگەڵ ئەوەی دەرگای دانوستانیان دانەخستووە، هەنگاوی چوارەمیان ناوە و گوتیشی: "ئەگەر لە مانگەکانی داهاتوودا گەمارۆکان لەسەرمان هەڵگیرا و توانیمان نەوتی خۆمان بفرۆشین و کەڵک لە سیستەمی بانکی جیهانی وەربگرین، دەگەڕێینەوە بۆ قۆناغی پێشوو".