"ئێران مەرزی سنووری پەروێزخانی داخست"

سلێمانی ـ AA

بەرپرسی پەیوەندییەكان و راگەیاندنی مەرزی نێودەوڵەتی پەروێزخان، ئارام سایەخان لەو بارەیەوە بە ئاژانسی ئانادۆڵوی راگەیاند "لە بەرەبەیانی ئەمڕۆوە كۆماری ئیسلامی ئێران مەرزەكەی داخستووە و رێگا بە ئاڵوگۆڕی بازرگانی نادرێت".

ئەو ئاماژەی بەوەش كرد، تا ئێستا بە فەرمی لە هۆكاری داخستنی مەرزەكە ئاگاداریان نەكردوونەتەوە و پێیان راگەیاندون كە پاشتر بە رەسمی ئاگاداریان دەكەنەوە لە هۆكارەكەی.

مەرزی سنووری پەروێزخان دەكەوێتە دووری ١٨١ كیلۆمەتر باكووری رۆژهەڵاتی پارێزگای سلێمانی لە دیوی هەرێمی كوردستان ـ سنووری پارێزگای كرماشان لە دیوی ئێران.