ئیدلب.. نابینایان یاری تۆپی پێیان کرد

ئیدلب - AA

لە پارێزگای ئیدلب بەبۆنەی "سێی کانوونی یەکەم رۆژی جیھانی خاوەن پێداویستییە تایبەتەکان" دوو تیمی تۆپی پێی نابینایان یارییەکی دۆستانەیان ئەنجامدا.

رێکخراوی شەفەق و رێکخراوی نابینایان کە تایبەتن بە ھاوکاری کردنی چالاکییەکانی نابینایان لە سووریا، یارییەکی تۆپی پێیان بۆ ئەو وەرزشەوانانە رێکخست کە بەھۆی پەلامارەکانی رژێمی ئەسەد و ھاوپەیمانەکانی بیناییان لەدەستداوە.

یارییەکە بە ئەنجامی یەکسان کۆتاییھات و یاریزانەکان لەڕێی بەکارھێنانی تۆپێکی زەنگۆڵەدارەوە یارییان دەکرد.

یەکێک لە بەرپرسانی رێکخراوی شەفەق بە ناوی عەبدولموئمین جوبران دەربارەی رێکخستنی ئەم چالکییە رایگەیاند "دەمانەوێت لەڕێی ئەم چالاکییەوە تێڕوانینی کۆمەڵگە دەربارەی نابینایان بگۆڕین".