ئیدلب.. له‌ ئاكامی هێرشی رژێمی ئه‌سه‌د هه‌شت مه‌ده‌نی گیانیان له‌ده‌ستدا

ئیدلب-AA

له‌ ئاكامی هێرشی رژێمی به‌شار ئه‌سه‌د و گرووپه‌ تیرۆریستییه‌كانی سه‌ر به‌ ئێران بۆ سه‌ر گونده‌كانی مه‌ششو، ئیبلین و به‌لیون كه‌ ده‌كه‌ونه‌ سنووری ناوچه‌كانی كه‌مكردنه‌وه‌ی گرژییه‌كانی ئیدلب، هه‌شت مه‌ده‌نی گیانیان له‌ده‌ستدا و نۆی دیكه‌یش بریندار بوون.

به‌ڕێوه‌به‌ری راگه‌یاندنی به‌رگریی مه‌ده‌نی سووریا، حه‌سه‌ن ئه‌ل ئه‌حمه‌د به‌ په‌یامنێری ئاژانسی ئانادۆڵوی راگه‌یاند، هێزه‌كانی رژێم به‌ چه‌كی زه‌مین به‌ زه‌مین هێرشیان كردووه‌ته‌ سه‌ر گونده‌كانی مه‌ششو، ئیبلین و به‌لیون كه‌ ده‌كه‌ونه‌ باشووری ئیدلب.

ناوبراو ئاماژه‌ی به‌وه‌یش دا كه‌ له‌ ئاكامی هێرشه‌كاندا هه‌شت مه‌ده‌نی گیانیان له‌ده‌ستداوه‌ و نۆی دیكه‌یش بریندار بوون.