ئیدلب.. بەهۆی بۆردومانەكانی رووسیا ١٧ كەس كوژران

ئیدلب ـــ AA

بەهۆی بۆردومانی فڕۆكەكانی جەنگی رووسیا بۆسەر دەورووبەری رۆژئاوای شاری ئیدلب باكووری سووریا، ١٧ كەسی سڤیل كوژران و دەیانی دیكەش بریندار بوون.

سەرچاوەیەك لە بەرگری شارستانی بە ئاژانسی ئانادۆڵوی رایگەیاند كە فڕۆكەكانی جەنگی رووسیا، بەمووشەك خانوو و فرۆشگا بارزگانییەكانیان لە ناوەڕاستی شارۆچكەی ئوروم جەوز رۆژئاوای ئیدلب باكووری سووریا بۆردومان كرد.

سەرچاوەكە ئاماژەی بەوەشدا كە بەهۆی بۆردومانەكەوە، ١٧ كەسی سڤیل كوژران كە لەنێویاندا چوار منداڵ هەیە و دەیانی دیكەش بریندار بوون و هەروەها ژمارەیەك خانوو و فرۆشگا بارزگانییەكان خاپوور بوون.

هەر ئەو سەرچاوەیە رایگەیاند كە لەلایەكی دیكەوە، فڕۆكەكانی جەنگی رووسیا بە مووشەك و بۆمبی فۆسفۆری شارۆچكەكانی، معرتحرمە، حیش و بسمامس لە دەرورووبەری ئیدلب-یان بۆردومان كرد كە بەهۆیەوە ژمارەیەك كەسی سڤیل بریندار بوون.