ئۆکراینا: ''٢٠٥ منداڵ لە هێرشەکانی رووسیادا کوژراون''

کیێڤ - AA

بەهۆی هێرشەکانی سوپای رووسیاوە لە ئۆکراینا، ٢٠٥ منداڵ کوژراون و ٣٦٢ی دیکەش برینداربوون.

لە راگەیەندراوێکدا کە لەلایەن سەرۆکایەتی داواکاری گشتیی ئۆکرایناوە بڵاوکراوەتەوە، باس لەوە کراوە کە بەهۆی بۆردومانەکانی سوپای رووسیاوە، زیاتر لە هەزار دامەزراوەی پەروەردەیی زیانیان بەرکەوتووە، لەوانەش ٩٥یان بەتەواوی رووخاون.

لە راگەیەندراوەکەدا هەروەها باس لەوە کراوە لە ٢٤ی شوبات کە رووسیا دەستی بە هێرش کرد بۆسەر ئۆکراینا تا ئەمڕۆ، ٢٠٥ منداڵ کوژراون و ٣٦٢ی دیکەش برینداربوون.