ئاگر لە كارگەيەكی تەبرێز ;لە ئێران كەوتەوە

تاران - AA

ئاگر له‌ كارگه‌یه‌ك لە شارى تەبرێزی ناوه‌ندی پارێزگاى ئازاربايجانى رۆژهەڵات لە ئێران، كه‌وته‌وه‌.

بەپێی هەواڵێكی ته‌له‌ڤیزیۆنی فەرمى ئێران، ئاگرێك كە هێشتا هۆكارەكەى نەزانراوە لە كارگەيەكى به‌رهه‌مهێنانی سێلۆفان كەوتووەتەوە.

ئاگرەكە كۆنترۆڵكراوە و به‌هۆیه‌وه‌ چوار كەس برینداربوون.

ئەو رووداوانەى كە لەم دواييانەدا لە ئێران روودەدەن وەك تەقينەوەى غاز و کارەباگۆڕ و ئاگركەوتنەوە لە دارستان و پاركەكان، بووه‌ته‌ هۆی بڵاوبوونه‌وه‌ی دەنگۆی ئه‌وه‌ی كە لە ئەنجامى هێرشێكى دەرەكى بێت لە دژى وڵاتەكە.