ھەرێمی کوردستان.. ١٩٨ كه‌سی دیكه تووشی ڤایرۆسی كۆرۆنا بوون
وەزارەتی تەندروستیی ھەرێمی کوردستان: "لە میانی ٢٤ کاتژمێری رابردوودا، ١٩٨ کەس تووشی ڤایرۆسی کۆرۆنای نوێ بوون و سێ حاڵەتی گیانلەدەستدان بە ڤایرۆسەکە تۆمارکراوە".
Arbil
ھەولێر - AA
وەزارەتی تەندروستیی ھەرێمی کوردستان رایگەیاند کە لە میانی ٢٤ کاتژمێری رابردوودا، ١٩٨ حاڵەتی تووشبوون بە ڤایرۆسی کۆرۆنای نوێ تۆمارکراوە و سێ حاڵەتی گیانلەدەستدان بە ڤایرۆسەکە هەبووە، هەروەها ١٥١ کەس لە ڤایرۆسەکە چاکبوونەوەتەوە.
وەزارەتی تەندروستیی ھەرێمی کوردستان لە راگەیەندراوێکدا ئەوەی خستووەتەڕوو کە لە میانی ٢٤ کاتژمێری رابردوودا لە ئەنجامی چوار ھەزار و ٧٠٦ پشکنین، ١٩٨ تووشبووی نوێ بە ڤایرۆسی کۆرۆنا تۆمارکراوە بە جۆرێک لە ھەولێر، ٦٣ حاڵەت، سلێمانی ٣٧ حاڵەت، دھۆک ٩٤ حاڵەت و ئیدارەی گەرمیان چوار حاڵه‌ت، بەمەش کۆی ژمارەی تووشبووان بە ڤایرۆسەکە تا ئێستا گەیشتە ١١٠ ھەزار و ٢٥٦ حاڵەت.
راشیگەیاندووە کە لە میانی ٢٤ کاتژمێری رابردوودا، سێ کەس بەھۆی ڤایرۆسەکەوە گیانیان له‌ده‌ستداوه كه دووانیان له هه‌ولێر و حاڵه‌تێكیش له دهۆك تۆماركراوه و بەهۆیەشەوە کۆی ژمارەی حاڵەتەکانی گیانلەدەستدان بە ڤایرۆسەکە تا ئێستا گەیشتە سێ ھەزار و ٥٣٤ حاڵەت.
لە بەشێکی راگەیەندراوەکەدا ئاماژە بەوەدراوە کە لە میانی ٢٤ کاتژمێری رابردوودا، ١٥١ کەس لە ڤایرۆسەکە چاکبوونەوەتەوە.
![](http://www.facebook.com/sharer.php?u=https://www.aa.com.tr/ks/تەندروستي/ھەرێمی-کوردستان-١٩٨-كه-سی-دیكه-تووشی-ڤایرۆسی-كۆرۆنا-بوون/2167140&p[images][0]=https://cdnuploads.aa.com.tr/uploads/Contents/2021/03/06/thumbs_b_c_7ab84ac7f9a236ac418a8d06b8d789cb.jpg?v=201610&p[title]=ھەرێمی کوردستان.. ١٩٨ كه‌سی دیكه تووشی ڤایرۆسی كۆرۆنا بوون&p[summary]=وەزارەتی تەندروستیی ھەرێمی کوردستان: "لە میانی ٢٤ کاتژمێری رابردوودا، ١٩٨ کەس تووشی ڤایرۆسی کۆرۆنای نوێ بوون و سێ حاڵەتی گیانلەدەستدان بە ڤایرۆسەکە تۆمارکراوە".
){kind=link}