Zana Natık Kerem
08 حوزەیران 2020•نوێکردنەوە: 09 حوزەیران 2020
نەجەف - AA
لە شاری نەجەف باشووری عێراق، ٥١ حاڵەتی دیکەی تووشبوون بە ڤایرۆسی کۆرۆنا تۆمارکرا.
لەوبارەیەوە سەرچاوەیەکی پزیشکی لە نەجەف رایگەیاند کە لە تاقیگەکاندا، ٥١ حاڵەتی دیکەی تووشبوون بە ڤایرۆسی کۆرۆنای نوێ (COVID-19)، دەستنیشانکراون.
بە گوتەی سەرچاوەکە، تووشبووە نوێیەکان رەوانەی نەخۆشخانە کراون.
لە لایەکی دیکەوە، فەرماندەی فیرقەی ئیمام عەلی سەربە لیوای دووی حەشدی شەعبی، تاهر خاقانی لە رایگەیەندراوێکدا ئاماژەی بەوە داوە کە لە میانی ٢٤ کاتژمێری رابردوودا، ٤٢ کەسی دیکە بەهۆی کۆرۆناوە گیانیان لەدەستداوە و لە گوڕستانی وادی سەلام-ی نوێ بەخاک سپێردراون.
تاهر خاقانی راشیگەیاندووە تا ئێستا، ٣٧٦ کەس بەهۆی ڤایرۆسی کۆرۆنای نوێ لە عێراق گیانیان لەدەستداوە لە گۆڕستانی وادی سەلام-ی نوێ بەخاک سپێردراون کە زۆربەیان نیشتەجێی بەغدا بوون.
