تەندروستی, عێراق, کۆڤید- ١٩

جۆری دەلتای ڤایرۆسی کۆرۆنای نوێ له‌ سلێمانی تۆماركرا

به‌ڕێوه‌به‌ری گشتیی ته‌ندروستیی سلێمانی، سه‌باح هه‌ورامی: "جۆری ده‌لتای ڤایرۆسی كۆرۆنای نوێ (COVID-19) لە سلێمانی تۆمارکرا".

Muhammed Ali Kamal  | 19.07.2021 - نوێکردنەوە : 22.07.2021
جۆری دەلتای ڤایرۆسی کۆرۆنای نوێ له‌ سلێمانی تۆماركرا

As Sulaymaniyah

سلێمانی - AA

دوای گه‌یشتنی كیتی تایبه‌ت به‌ پشكنینی جۆری دەلتای ڤایرۆسی کۆرۆنای نوێ (COVID-19)، ئه‌و جۆره‌ نوێیه‌ی ڤایرۆسه‌كه‌ له‌ سلێمانی تۆماركرا.

له‌ په‌یامێكدا كه‌ له‌ رێگه‌ی هه‌ژماری خۆی له‌ تۆڕی كۆمه‌ڵایه‌تی فه‌یسبووك بڵاویكردووه‌ته‌وه‌، به‌ڕێوه‌به‌ری گشتیی ته‌ندروستیی سلێمانی، سه‌باح هه‌ورامی، ئاشكرایكردووه‌ كه‌، جۆری ده‌لتای ڤایرۆسی كۆرۆنای نوێ (COVID-19) لە سلێمانی تۆمارکراوه‌.

سه‌باح هه‌ورامی رایگه‌یاندووه‌: "دوای گەیشتنی تێستی تایبەت بەپشکنین و دیاریکردنی جۆری دەلتا، بەسەنتەری پشکنینی کۆڤید لە سلێمانی لە ئێستادا لەلایەن تیمی پشکنینی کۆرۆنا لەسەنتەری دەستنیشانکردنی کۆرۆنای گۆڕاو، ئەو جۆرە نوێیە تۆمارکراوە".

به‌ڕێوه‌به‌ری گشتیی ته‌ندروستیی سلێمانی ئاماژه‌ی به‌وه‌شكردووه‌، دیارییکردنی جۆری دەلتا، لە سەنتەری پشکنینی کۆرۆنا لە سلێمانی دەستنیشانکراوە و پشکنین بۆ هاوڵاتیان دەکرێت.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın