ئەمریکا.. گیانلەدەستدان بە کۆرۆنا ٢٢٧ ھەزاری تێپەڕاند

نیویۆرک - AA

ژمارەی ئەو کەسانەی لە ئەمریکا، دوای تووشبوونیان بە ڤایرۆسی کۆرۆنای نوێ گیانیان لەدەستداوە گەیشتە ٢٢٧ ھەزار و ٤١٩ کەس.

بەپێی ئەو زانیاریانەی کە لە ماڵپەری "Worldometer" لەبارەی ئامارەکانی پەیوەندیدار بە ڤایرۆسی کۆرۆنای نوێ لەسەرتاسەری جیھان بڵاوبووەتەوە، لە ئەمریکا لە ماوەی ٢٤ کاتژمێری رابردوودا بە زیادبوونی ٦٣ ھەزار و ٨٧١ کەسی دیکە، کۆی ژمارەی ئەوانەی تووشی ئەم ڤایرۆسە بوون گەیشتە ھەشت ملیۆن و ٥٨٥ ھەزار و ٧٤٨ کەس.

ھاوکات بە زیادبوونی ھەزار و ١٩٩ کەسی دیکە، کۆی ژمارەی ئەوانەی بەھۆی ڤایرۆسەکە گیانیان لەدەستداوە گەیشتە ٢٢٧ ھەزار و ٤١٩ کەس.

کۆی ژمارەی ئەوانەی لەم ڤایرۆسە چاکبوونەتەوە گەیشتە پێنج ملیۆن و ٦٠٣ ھەزار و کۆی ژمارەی پشکنینەکان گەیشتە ١٢٨ ملیۆن و ٦٦٥.